Ağdamda yol nəqliyyat hadisəsi baş verib. APA-nın Qarabağ muxbirinin xəbərinə görə, hadisə dünən rayonun Əhmədağalı kəndi ərazisində baş verib. 1985-ci il təvəllüdlü Gözəlov Tural Məhəmməd oğlu idarə etdiyi “VAZ-2106” markalı “02 BR 489” qeydiyyat nömrə nişanlı minik maşını ilə hərəkətdə olarkən “10 LZ 874” dövlət nişanlı “QAZEL” markalı maşınla toqquşub.

Nəticədə “VAZ” markalı maşının sahibi T.Gözəlov xəsarət alaraq Ağdam Mərkəzi Rayon Xəstəxanasına çatdırılıb. Faktla bağlı Ağdam Polis Şöbəsində araşdırma aparılır.

Bütün xəbərlər Facebook səhifəmizdə

loading...