Astarada yanacaqdoldurma məntəqəsinə silahlı basqın edilib

Astara rayonunda yanacaqdoldurma məntəqəsinə silahlı basqın edilib. SİA-nın məlumatına görə, sentyabrın 13-də Astara şəhərində yerləşən yanacaqdoldurma məntəqələrindən birinə gələn naməlum şəxs orada işləyən Artupa kənd sakini Çingiz İsmayılovu bıçaqla hədələyib pul verməsini tələb edib, səs-küy yarandığından istədiyinə nail ola bilməyərək hadisə yerini tərk edib.

Astara RPŞ əməkdaşlarının keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən Ərçivan qəsəbə sakini Pərvaz Əliyev tutulub.

Faktla əlaqədar cinayət işi başlanılıb.

loading...