Bakı şəhərindəki ümumi təhsil müəssisələrinin təlim-tərbiyə işləri üzrə direktor müavinləri, fənlər üzrə metodbirləşmə sədrləri, psixoloqlar və uşaq birliyi rəhbərləri üçün bölmə iclasları başa çatıb. Bakı Şəhəri üzrə Təhsil İdarəsinin (BŞTİ) struktur bölmə rəhbərləri və əməkdaşlarının qatıldığı iclaslar 12 inzibati rayon üzrə təşkil olunub. Bölmə iclaslarına Təlimə Dəstək Mərkəzinin metodistləri moderatorluq ediblər.
Təhsil İdarəsindən SİA-ya verilən məlumata görə, bölmə iclaslarının təşkil olunmasında əsas məqsəd Bakı şəhər təhsil işçilərinin ənənəvi sentyabr konfransından irəli gələn məsələləri, həmçinin, ötən tədris ilinin yekunlarını və yeni dərs ilində qarşıda duran vəzifələri müzakirə etmək, təkliflər hazırlamaqdan ibarətdir.
Bölmə iclaslarında Təhsil nazirinin “Ümumi təhsil sahəsində 2018-2019-cu dərs ilinin prioritet fəaliyyət istiqamətləri barədə” əmrinin icrası, ötən tədris ilində görülən və yeni dərs ilində nəzərdə tutulan işlər, “Ümumi təhsildə keyfiyyət ili” çərçivəsində həyata keçirilən tədbirlərin daim diqqətdə saxlanılması, məktəb idarəetməsi, perspektiv planların hazırlanması, tədrisin təşkilində müasir metodlardan istifadə edilməsi üçün təşkilati işlərin aparılması, dərslik və proqramlar, fənn kurikulumlarının tətbiqi kimi məsələlərə toxunulub.
Görüşdə qeyd edilən məsələlərlə bağlı müzakirələr aparılıb, rəy və təkliflər irəli sürülüb.
Qeyd edək ki, bölmə iclaslarında səsləndirilən rəy və təkliflər ümumiləşdirilərək BŞTİ-yə təqdim olunub.
Bütün xəbərlər Facebook səhifəmizdə
USD
EUR
GBP
RUB