ADU-da Çin dili üzrə dərəcə imtahanı baş tutub

Çin dili üzrə rəsmi sınaq mərkəzi sayılan Azərbaycan Dillər Universitetinin (ADU) nəzdində fəaliyyət göstərən Konfutsi İnstitutunda Çin dili üzrə Hanyu Shuiping Kaoshi (HSK) və Hanyu Shuiping Kouyu Kaoshi (HSKK) imtahanları keçirilib.

ADU-dan SİA-ya verilən məlumata görə, imtahan başlamazdan öncə Konfutsi İnstitutunun direktoru, professor Rafiq Abbasov Çin dili kurslarının tələbələrini imtahanların məzmunu, dinləmə, oxu, qrammatik strukturlar, sözlərin və heroqliflərin əsas yazılış qaydaları ilə tanış edib. O, həmçinin qeyd edib ki, HSK/HSKK imtahanlarının müvəffəqiyyətlə keçirilməsi və beynəlxalq sertifikatın alınması Çin Xalq Respublikasında (ÇXR) təqaüdlə təhsil almağa və Azərbaycanda bu dilə marağın artmasına sübutdur.

Qeyd edək ki, bir neçə səviyyədən ibarət olan test imtahanları Çin dili anlayışı olmayan şəxslərin bu dil üzrə standart ixtisas imtahanıdır.

Bütün xəbərlər Facebook səhifəmizdə