Azərbaycan ilə Ukraynanın ticarət dövriyyəsi 270 milyon dollara çatıb

Bu ilin yanvar-aprel aylarında Azərbaycan ilə Ukrayna arasında idxal-ixrac əməliyyatlarının həcmi 270 milyon dollara yaxın olub. Ukrayna Dövlət Statistika Komitəsinin açıqlamasında deyilir ki, dörd ayda Azərbaycandan Ukraynaya 127,6 milyon dollarlıq məhsul ixrac olunub. Azərbaycanın Ukraynadan idxal etdiyi məhsulun dəyəri isə 142,1 milyon dollar təşkil edib.

Ukrayna Azərbaycan ilə ticarət dövriyyəsinin həcminə görə postsovet məkanında Rusiyadan sonra ikincidir. Ötən il Azərbaycan ilə Ukrayna arasında idxal-ixrac əməliyyatlarının həcmi 829 milyon dollar təşkil edib ki, bu da əvvəlki illə müqayisədə 18 milyon dollar çoxdur. Keçən il iki ölkə arasındakı ticarət dövriyyəsində son beş ilin ən yüksək göstəricisi qeydə alınıb.

Bütün xəbərlər Facebook səhifəmizdə

loading...