Azərbaycanda ilk dəfə maliyyə sərgisi keçiriləcək

Azərbaycanda ilk dəfə keçirilməsi nəzərdə tutulan maliyyə sərgisi ilə əlaqədar təşkilatçılıq və hazırlıq işlərinə başlanması qərara alınıb. SİA-nın məlumatına görə, bu barədə Azərbaycan Sığortaçılar Assosiasiyası (ASA), Azərbaycan Banklar Assosiasiyası (ABA), Azərbaycan Fond Bazarı İştirakçıları Assosiasiyasının (AFBİA) və Azərbaycan Mikromaliyyə Assosiasiyasının (AMFA) birgə görüşü keçirilib. Görüş ASA-nın sədri Mustafa Abbasbəyli, ABA-nın sədri Zakir Nuriyev, AMFİA-nın İdarə Heyətinin sədri Ceyhun İbrahimov və AMFA-nın İdarə Heyətinin sədri Süleyman Kələşov, Caspian Event Organisers şirkətinin icraçı direktoru Bəhruz Hidayətzadə və digər rəhbər şəxslərin iştirakı ilə keçirilən görüşdə qərar verilib.

Görüşün əsas müzakirə mövzusu maliyyə sərgisinin keçirilməsi olub. Sərginin məqsədi maliyyə sektorunun bütün iştirakçılarının – bank, sığorta və investisiya şirkətlərinin, həmçinin, maliyyə sahəsində fəaliyyət göstərən xarici şirkətlərin bir araya gətirilməsi və təmsil olunması və müasir informasiya-kommunikasiya texnologiyalarının maliyyə sektorunda tətbiqinin təşviq edilməsindən ibarət olduğu bildirilib.

Görüşdə sərgiyə hazırlıq məsələləri ətrafında fikir mübadiləsi aparılıb.

Bütün xəbərlər Facebook səhifəmizdə

loading...