Mərkəzi Bank “Bakutel 2017” sərgisində iştirak edib

Bakı şəhərində keçirilən və İKT sahəsi üzrə aparıcı tədbir hesab olunan “Bakutel 2017” – 23-cü Azərbaycan Beynəlxalq Telekommunikasiya və İnformasiya Texnologiyaları Sərgi-Konfransında Mərkəzi Bankın da iştirakı təmin edilib və Mərkəzi Bankda tətbiqi yeni həyata keçirilən dünyanın ən qabaqcıl “İnformasiya texnologiyaları xidmətlərinin idarə edilməsi sistemi” (İTSM) olan BMC Remedy məhsulu ilə bağlı təqdimat nümayiş etdirilib. Mərkəzi Bankdan SİA-ya verilən məlumata görə, təqdimat zamanı informasiya texnologiyaları sahəsində qabaqcıl təcrübə toplusu olan İTİL metodologiyası əsasında hazırlanmış və Müraciətlərin və İnsidentlərin idarə edilməsi proseslərini əhatə edən BMC Remedy sisteminin funksional imkanları haqqında geniş məlumat verilib. Daha sonra, İTSM-in digər komponenti olan və Mərkəzi Bankın lokal şəbəkəsinə qoşulmuş bütün avadanlıqların konfiqurasiyalarının real vaxt rejimində izlənilməsi imkanını yaradan Konfiqurasiyaların idarə edilməsi sistemi nümayiş etdirilib.

Beynəlxalq standartlara uyğun müasir informasiya texnologiyaları infrastrukturunun qurulması məqsədilə dünyada baş verən yeniliklərin izlənilməsi və İKT üzrə təşkil olunan sərgilərdə iştirak edərək innovativ texnoloji həllərin araşdırılması və öyrənilməsi Mərkəzi Bankın daim diqqət mərkəzindədir.

Müəllif: Ruqiyyə Nəcəfzadə

Bütün xəbərlər Facebook səhifəmizdə