Polad Bülbüloğlu Füzuli Dövlət Dram Teatrında FOTOLAR

Azərbaycanın Respublikasının Rusiya Federasiyasındakı səfiri Polad Bülbüloğlu, Azərbaycan Respublikasının Müdafiə nazirinin müavini-Şəxsi Heyət Baş İdarəsinin rəisi General-leytenant Kərim Vəliyev, Füzuli rayon İcra Hakimiyyətinin başçısı Alı Alıyev ve digər rəsmi şəxslər Füzuli Dövlət Dram Teatrında olublar. Nazirlikdən SİA-ya verilən xəbərə görə, qonaqlar rayon ərazisində yerləşən hərbi hissənin əsgər və zabit heyətinin, rayon ictimaiyyətinin də iştirak etdiyi vətənpərvər ruhlu konsert-tamaşa proqramını seyr ediblər. Daha sonra səmimi şəraitdə keçən görüşdə çıxış edən qonaqlar Füzuli Dövlət Dram Teatrının mütəmadi olaraq hərbi hissələrdə olmasını və əsgərlərdə vətənpərvərlik ruhunun yüksəldilməsi istiqamətindəki çıxışlarını yüksək qiymətləndiriblər.

Onlar Füzuli teatrının yaranma tarixi, yaradıcılıq yolu, inzibati binası, ölkə başçısının sərəncamı ilə burada aparılan təmir işlərindən sonrakı fəaliyyəti və mövcud şəraiti ilə də yaxından tanış olublar.

Daha sonra qonaqlar aktyorlarla görüşüb.

Bütün xəbərlər Facebook səhifəmizdə