Məşhur dramaturqun kitabı Azərbaycan dilində - NƏŞR

Məşhur dramaturq, şair, nasir, teatr nəzəriyyəçisi Bertold Brextin “Seçilmiş əsərləri” kitabı işıq üzü görüb. SİA-nın məlumatına görə, Azərbaycan Dövlət Tərcümə Mərkəzinin yeni nəşri olan kitaba dramaturqun, dünyanın bir sıra teatrlarında tamaşaya qoyulmuş ən məşhur dörd pyesi “Kuraj ana və uşaqları”, “Qalileyin həyatı”, “Üçquruşluq opera” və “O əsgər olmasın, bu əsgər olsun” əsərləri daxildir.

XX əsrin əvvəllərində Avropada teatr islahatçısı kimi tanınan Brextin başlıca yaradıcı ideyası tamaşaçının romantik emosiyalarını “cilovlamaq”, onu real həqiqətlərə dayaqlanmayan duyğusal aləmdən ayırmaqdır. Yazıçı, əsərlərində süni gərginlik yaradan qarşıdurmalardan imtina edir, dramatizmin nəğmələr və parodiyalarla, birbaşa publisistik müdaxilələrlə təmin edilməsinə üstünlük verir.

Əsərləri dilimizə İlqar Əlfioğlu tərcümə edib. Kitabın redaktorları Salam Sarvan və Nəriman Əbdülrəhmanlıdır.

Bütün xəbərlər Facebook səhifəmizdə