Astanada Qara Qarayevin 100 illik yubileyinə həsr olunan tədbir keçiriləcək

Oktyabrın 23-də Qazaxıstanın paytaxtı Astanada Azərbaycan mədəniyyətinin görkəmli nümayəndəsi, böyük bəstəkar, tanınmış alim-pedaqoq və ictimai xadim, SSRİ xalq artisti, Sosialist Əməyi Qəhrəmanı, SSRİ və Azərbaycan Dövlət mükafatları laureatı, akademik Qara Əbülfəz oğlu Qarayevin anadan olmasının 100 illik yubileyinə həsr olunan tədbir keçiriləcək. SİA-nın Qazaxıstan və Orta Asiya bürosuna Azərbaycanın Qazaxıstabdakı səfirliyindən verilən məlumata görə TÜRKSOY-un təşkilatçılığı və və Azərbaycanın Qazaxıstandakı Səfirliyinin dəstəyi ilə keçirilən tədbir konsert proqramı ilə davam etdiriləcək.

Astana Akimliyi yanında Dövlət Akademik Filarmoniyasının ifa etdiyi konsertin bədii rəhbəri Berik Batırxandır. Filarmoniya orkestrinin dirijorları Mustafa Mehmandarov və Murtuza Bülbüldür. Proqramda Qara Qarayevin “Leyli və Məcnun” Simfonik poeması, “Yeddi gözəl” baletindən vals və suitalar tamaşaçılara təqdim olunacaq. Qeyd edəjk ki, prezident İlham Əliyevin 17 oktyabr 2017-ci il sərəncamı ilə Qara Əbülfəz oğlu Qarayevin anadan olmasının 100 illik yubileyi qeyd olunur.

Bütün xəbərlər Facebook səhifəmizdə