Azərbaycan Beynəlxalq Türk Kinosu Festivalında təmsil olunacaq

Martın 21-dən 25-dək Kazanda ilk dəfə keçiriləcək Beynəlxalq Türk Kinosu Festivalında ölkəmiz də təmsil olunacaq. SİA Tatarıstan mətbuatına istinadla xəbər verir ki, festivalda Azərbaycanla yanaşı, Türkiyə, Rusiya, Qazaxıstan, Qırğızıstan, Özbəkistan və Türkmənistan nümayəndələri də iştirak edəcək. İştirakçılar, həmçinin Novruz bayramı şənliklərinə də qatılacaqlar.

Festival çərçivəsində müxtəlif ölkələrin kinematoqrafçıları ilə yaradıcılıq görüşləri keçiriləcək. Tatarıstanın müxtəlif şəhərlərində və bölgələrində festival filmlərinin nümayişi də nəzərdə tutulur

Bütün xəbərlər Facebook səhifəmizdə