Koreyalı musiqiçi Bakıda çıxış edib

M.Maqomayev adına Azərbaycan Dövlət Filarmoniyasında tanınmış pianoçu Eldəniz Ələkbərzadə və Koreyanın məşhur violonçel ifaçısı Jiyun Yoo konsert proqramı ilə çıxış edib.

SİA-nın məlumatına görə, konsert Mədəniyyət və Turizm Nazirliyinin dəstəyi və Filarmoniyanın təşkilatçılığı ilə reallaşıb. Konsertin solistlərini Xalq artisti Yalçın Adıgözəlovun bədii rəhbərliyi ilə Ü.Hacıbəyli adına Azərbaycan Dövlət Simfonik Orkestri müşayiət edib.

Musiqili gecədə xarici ölkə bəstəkarlarının əsərləri ifa olunub. Bir-birindən maraqlı kompozisiyaların səsləndirildiyi konsert maraqla qarşılanıb.

loading...