Azərbaycan Turizm və Menecment Universitetində (ATMU) Azərbaycan Respublikasında dövlət müstəqilliyinin bərpası günü münasibətilə tədbir keçirilib. SİA-nın məlumatına görə, ATMU-nun rektoru İlham Mədətov çıxışında diqqətə çatdırıb ki, müstəqilliyi qoruyub saxlamaq onu qazanmaqdan qat-qat çətindir. Tale elə gətirdi ki, Azərbaycan bir əsrdə iki dəfə müstəqillik əldə etmək, özünün suveren dövlətini yaratmaq imkanı qazanıb. 1918-ci ildə qurulan Azərbaycan Xalq Cümhuriyyəti cəmi 23 ay yaşayıb. İkinci tarixi imkan isə 70 ildən sonra yaranıb. 1991-ci il oktyabrın 18-də Azərbaycan Respublikası Ali Sovetinin sessiyasında "Azərbaycanın dövlət müstəqilliyi haqqında Konstitusiya Aktı" qəbul olunub. Bu mühüm tarixi sənədlə xalqımız uzun illərdən bəri həsrətində olduğu azadlığına qovuşub. Rektor ölkəmizin tarixi taleyində ən şərəfli günlərdən biri olan 18 oktyabr 1991 –ci ilə qədər və ondan sonrakı dönəmləri detallı şərh edib. Azərbaycan Respublikasını ilk olaraq 1991-ci il noyabrın 9-da Türkiyə Cümhuriyyəti, sonra Rumıniya (11 dekabr 1991), Pakistan (13 dekabr 1991), İsveçrə (23 dekabr 1991), İran (25 dekabr 1991), ABŞ (23 yanvar 1992), Rusiya (10 aprel 1992) və b. dövlətlər tərəfindən ,o cümlədən BMT-yə üzv qəbul olunmqla (2 mart 1992) beynəlxalq aləmdə de-fakto tanındığını deyib.
ATMU-nun İctimai fənlər kafedrasının müdiri İbrahim Əliyev, dosent Məhərrəm Zülfüqarlı, Bünyamin Qənbərov və digər iştirakçılar qeyd ediblər ki, dövlət müstəqilliyinin bərpasından sonra xalqımız yenidən onu itirmək təhlükəsi ilə üzləşib. Lakin Ulu Öndər Heydər Əliyevin xalqın tələbi ilə hakimiyyətə yenidən qayıdışı sayəsində müstəqilliyimiz, dövlətimizin siyasi və iqtisadi sütunları möhkəmlənib. Milli-mənəvi dəyərlərin qorunub saxlanılması istiqamətində mühüm addımlar atılıb. Son 26 il ərzində ölkəmiz genişprofilli inkişaf strategiyasına görə nəinki regionda, dünya iqtisadiyyatının bəzi istiqamətlərində lider mövqeyə sahiblənib.
Tədbirin sonunda iştirakçılar tərəfindən “ATMU-nun ali təhsil müəssisəsi olaraq ixtisaslı və peşəkar kadr hazırlığı sahəsində uğurlu fəalyyətini hər zaman davam etdirəcəyi, müstəqilliyimizin möhkəmlənməsində vətəndaş mövqeyini qoruyub saxlayacağı” fikri xüsusi vurğulanıb.
Bütün xəbərlər Facebook səhifəmizdə
USD
EUR
GBP
RUB