Banklardan 13 milyard manatdan çox kredit götürülüb

2017-ci il iyulun 1-nə ölkədə fəaliyyət göstərən bank və digər kredit təşkilatlarının kredit portfeli əvvəlki ilin eyni dövrü ilə müqayisədə 24,7 faiz azalaraq milli valyuta ekvivalentində 13 milyard 882,0 milyon manat təşkil edib. Dövlət Statistika Komitəsindən SİA –ya verilən məlumata görə, ümumi kredit portfelinin 11 milyard 025,5 milyon manatı və ya 79,4 faizi uzunmüddətli kreditlərin payına düşüb.

Kreditlərin 27,8 faizi dövlət, 69,3 faizi qeyri-dövlət bankları, 2,9 faizi isə bank olmayan kredit təşkilatları və kredit ittifaqları tərəfindən verilib.

Ödəmə vaxtı keçmiş kreditlərin məbləği ümumi kredit portfelinin 13,0 faizini təşkil edib.

Müəllif: Ruqiyyə Nəcəfzadə

Bütün xəbərlər Facebook səhifəmizdə